A sociedade transfórmase e a Administración pública responde a estes novos retos avaliando a calidade dos servizos que ofrece e colocando ao cidadán no centro das súas decisións.
No Real Decreto 951/2005, do 29 de xullo, establécese o marco xeral para a mellora da calidade na Administración Xeral do Estado.
Esta regulación aborda cuestións como: a avaliación da satisfacción dos usuarios, as cartas de servizos, as queixas e suxestións, a avaliación da calidade das organizacións, os programas de recoñecemento, etc.
As actuacións desenvolvidas nestes ámbitos constitúen elementos de transparencia e de compromiso coa calidade na prestación dos servizos públicos, e enfócanse a incrementar a satisfacción dos cidadáns e usuarios dos mesmos.
