Obter a residencia

Os cidadáns dun Estado membro da Unión Europea ou doutro Estado parte no Acordo sobre o Espazo Económico Europeo e de Suíza teñen dereito de residencia en territorio español por un período superior a tres meses se se atopan nalgún dos seguintes supostos:

1. Son traballadores por conta allea ou por conta propia en España
2. Dispoñen, para si e os membros da súa familia, de recursos suficientes para non converterse nunha carga para a asistencia social en España durante o seu período de residencia, así como dun seguro de enfermidade público ou privado que cubra todos os riscos en España.
3. Son estudantes matriculados nun centro público ou privado, recoñecido ou financiado pola administración educativa competente, cunha finalidade formativa; contan cun seguro de enfermidade público ou privado que proporcione unha cobertura completa en España e garanten que posúen recursos suficientes para si e os membros da súa familia.
4. Os membros da unidade familiar que acompañan ou van reunirse cun cidadán dun Estado membro da Unión Europea ou doutro Estado parte no Acordo sobre o Espazo Económico Europeo ou da Suíza que cumpre as condicións contempladas nalgún dos supostos anteriores.

O familiar poderá ser:

• No suposto de familiar de estudante, o seu cónxuxe ou parella de feito rexistrada ou os fillos do estudante e do seu cónxuxe ou parella a cargo.
• Nos demais supostos, o cónxuxe ou parella de feito rexistrada, os seus descendentes directos e os do seu cónxuxe ou parella menores de 21 anos ou incapaces ou maiores da esta idade que vivan ao seu cargo, e os seus ascendientes directos ou os do seu cónxuxe ou da parella rexistrada que viva ao seu cargo.

Este dereito de residencia é tamén aplicable aos membros da unidade familiar, calquera que sexa a súa nacionalidade, se acompañan ou van reunirse cun cidadán dun Estado membro ou doutro Estado parte do Acordo sobre Espazo Económico Europeo ou da Suíza que cumpre as condicións contempladas nos apartados "a" "b" ou "c".

No caso de cidadáns da Unión Europea ou doutro Estado parte no Acordo sobre Espazo Económico Europeo ou da Suíza que se atopen no suposto da letra "c", estudantes, e cumpran as condicións establecidas para a súa residencia en tal condición, unicamente o cónxuxe ou parella de feito inscrita nun rexistro público e os fillos a cargo, independentemente da súa nacionalidade, terán o dereito de residencia como membros da súa familia.

Así mesmo, o cidadán da Unión Europea ou doutro Estado parte no acordo sobre o Espazo Económico Europeo que xa non exerza ningunha actividade por conta allea ou propia manterá a condición de traballador por conta allea ou por conta propia nos seguintes casos:

1. Si sufre una incapacidad temporal resultante de una enfermedad o accidente.
2. Se, quedando en paro involuntario debidamente acreditado, tras estar empregado durante máis dun ano, inscribiuse no servizo de emprego competente co fin de atopar traballo.
3. Se, quedando en paro involuntario debidamente acreditado tras concluír un contrato de traballo de duración determinada inferior a un ano quedando en paro involuntario durante os primeiros doce meses, inscribiuse no servizo de emprego competente co fin de atopar traballo. Neste caso, a condición de traballador manterase durante un período que non poderá ser inferior a seis meses.
4. Se segue unha formación profesional que garde relación co emprego previo, salvo que se atope en situación de paro involuntario.

Para solicitar a residencia, debes estar rexistrado no teu Concello. Ese rexistro denomínase “Padrón”.

Accede ao mapa de Entidades Locais para seleccionar o municipio do teu interese.