Contratación pública: Comunicación de irregularidades

Para solicitar a revisión das decisións adoptadas no procedemento de contratación, pódese optar por:

• acudir aos órganos administrativos independentes encargados de resolver os recursos en materia de contratación
• acudir directamente aos órganos xurisdicionais, se o interesado desexar.

O Tribunal Administrativo Central de Recursos Contractuais (TACRC) é o órgano encargado de resolver os recursos e reclamacións no ámbito da Administración central e nos ámbitos das administracións autonómicas e das entidades locais integradas no seu territorio, que subscribisen co Tribunal un convenio de atribución desta competencia.

A presentación do recurso ou reclamación cando se presente directamente ante o TACRC debe facerse por vía electrónica.

Pode accederse aquí á tramitación dos procedementos ante o TACRC.

O recurso ou reclamación poden presentarse tamén ante o órgano de contratación ou noutros rexistros oficiais.

As administracións autonómicas que non subscribiron convenio co Tribunal crearon o seu propio órgano independente para resolver os recursos en materia de contratación ditados no seu ámbito de competencias.

Na documentación reguladora da contratación e nos anuncios da licitación pódense atopar os órganos administrativos e xurisdicionais competentes para a revisión.

O resultado da revisión pode consistir nunha destas 3 posibilidades:

• a anulación do acto impugnado
• a repetición axustada á Lei de partes do procedemento
• a anulación do procedemento de contratación ao completo.

Poden solicitar a revisión da decisión os interesados no procedemento de contratación.

O concepto de interesado é amplo, comprende a aquelas persoas cuxo intereses ou dereitos poidan verse afectados pola decisión impugnada.

Son interesados tanto os participantes na licitación como aqueles que non puidesen participar por atopar discriminatoria algunha cláusula das normas que rexen a licitación.

Baixo determinadas condicións as organizacións sindicais e as organizacións empresariais poden solicitar a revisión da decisión.

O recurso administrativo é potestativo e gratuíto.

Os prazos administrativos para solicitar a revisión das decisións adoptadas no procedemento de contratación son breves.

O prazo xeral é de 15 días hábiles e o inicio do seu cómputo depende do acto impugnado:

• Se se recorre a convocatoria ou as normas da licitación, o prazo computarase desde a publicación do acto no perfil de contratante.
• Cando se recorre a adxudicación, o prazo comezará a contar ao día seguinte da notificación do acto por vía electrónica ao interesado.
• O prazo de recurso contra as exclusións comezará a contar desde que o interesado tivo coñecemento da mesma.

Suspensión do procedemento:

• Cando o recurso se interpón contra a adxudicación, o procedemento de contratación queda suspendido automaticamente sen que se poida formalizar o contrato.
• Cando o recurso se interpón contra outros actos do procedemento, o órgano independente encargado de resolver pode decidir suspender o procedemento, de oficio ou a pedimento dos interesados.

Aplícase un prazo especial de 30 días hábiles para impugnar a falta de publicación do anuncio ou a formalización do contrato sen respectar a suspensión automática do procedemento ou a acordada polo órgano encargado de resolver.