Dereitos dos pasaxeiros: viaxes combinadas ou vinculadas

Cada vez é máis frecuente que, á hora de facer unha viaxe, as persoas usuarias opten por contratar varios servizos de viaxe de maneira conxunta, como desprazamento e aloxamento. Dependendo de como se combinen estes servizos de viaxe atoparémonos ante unha viaxe combinada ou uns servizos de viaxe vinculados, o que será moi relevante á hora de distinguir o réxime xurídico aplicable e, por tanto, os dereitos recoñecidos nun ou outro caso.

Antes de nada, hai que saber que se entende por servizo de viaxe, pois a forma en que se ofrezan ou vendan de maneira conxunta polo menos dúas destes servizos é o que dará lugar a unha viaxe combinada ou a uns servizos de viaxe vinculada.

O concepto de servizo de viaxe inclúe:

• O transporte de persoas pasaxeiras.
• O aloxamento cando non sexa parte integrante do transporte e non teña fin residencial.
• El alquiler de turismos, de otros vehículos a motor, así como el alquiler de motocicletas que precisen de un permiso de conducción de categoría A.
• Calquera outro servizo turístico que non forme parte integrante dun servizo de viaxe dos anteriores.

As viaxes combinadas abarcan todas as ofertas ou vendas que inclúen dúas ou máis tipos de servizos de viaxe distintos para a mesma viaxe ou vacación e que se reservan a través dun único contrato, cun só empresario.
Así mesmo, tamén aqueles servizos que, con independencia da celebración de contratos distintos con diferentes empresarios, cumpren unha das condicións seguintes:

• Contrátanse nun único punto de venda (unha tenda, un servizo telefónico, unha páxina web) onde o cliente selecciona os servizos antes de aceptar o pago dos mesmos.
• Ofrécense, venden ou facturan a un prezo global.
• Anúncianse ou se venden como "viaxe combinada" ou baixo unha denominación similar.
• Son combinados despois da celebración dun contrato en virtude do cal o empresario permite ao viaxeiro elixir entre unha serie de servizos de viaxe, como no caso, por exemplo, das "caixas regalo".
• Son contratados con distintos empresarios a través de procesos en liña conectados nos que o nome do viaxeiro, os seus datos de pago e a súa dirección de correo electrónico son transmitidos polo empresario co que se celebra o primeiro contrato a outro ou outros empresarios con quen se celebra outro contrato, como moi tarde vinte e catro horas despois da confirmación da reserva do primeiro servizo de viaxe.

A combinación do aloxamento, transporte ou aluguer de vehículos a motor e outro servizo turístico non integrante dos tres primeiros (como unha visita guiada ou a entrada a un concerto) só pode considerarse viaxe combinada se o servizo adicional representa un 25% ou máis do valor total da viaxe ou é unha característica esencial da viaxe.

Os organizadores e comerciantes polo miúdo son responsables da execución adecuada de todos os servizos de viaxe incluídos no paquete. Se un servizo de viaxe non pode prestarse segundo o convido, é posible que teña que ofrecer aos seus clientes fórmulas alternativas sen ningún custo adicional. É posible que, ademais, teña que pagar unha indemnización se os servizos de viaxe non son da calidade acordada.

Os servizos de viaxe vinculados son polo menos dous servizos de viaxe que se adquiren con obxecto da mesma viaxe pero que dan lugar a distintos contratos con cada un dos fornecedores individuais, a condición de que o empresario facilite:

• a selección e pago separado de cada servizo de viaxe con ocasión dunha única visita ou contacto co seu punto de venda, ou

• a contratación do segundo servizo de viaxe adicional, que debe facerse de maneira específica e no prazo de 24 horas a partir da confirmación da reserva do primeiro servizo de viaxe.

A combinación do aloxamento, transporte ou aluguer de vehículos a motor e outro servizo turístico non integrante dos tres primeiros (como unha visita guiada ou a entrada a un concerto) só pode considerarse servizos de viaxe vinculados se o servizo adicional representa un 25% ou máis do valor total da viaxe ou é unha característica esencial da viaxe.

A empresa debe proporcionar ao cliente unha ligazón ao formulario de información normalizado que explique que se lle ofreceron servizos de viaxe vinculados e que destaque os principais dereitos do cliente.

Tanto no caso de viaxes combinadas como no de servizos de viaxe vinculados, se a empresa coa que reservaches as túas vacacións creba, o viaxeiro estará protexido mediante unha garantía que poderá revestir a forma dun fondo, un seguro ou calquera outro mecanismo existente na Comunidade Autónoma na que estea establecida o empresario. A garantía cubrirá o importe dos pagos realizados polo viaxeiro e, en caso necesario, repatriará se a viaxe combinada ou os servizos de viaxe vinculados inclúen o transporte.