Igualdade de trato e non discriminación

Última actualización: 26-03-2026

A non ser discriminados directa ou indirectamente para o emprego ou unha vez empregados polas seguintes causas ( art. 4.2.c) do Estatuto dos Traballadores):

• Razóns de sexo
• Estado civil
• Idade
• Orixe racial ou étnica
• Condición social
• Relixión ou conviccións
• Ideas políticas
• Orientación sexual
• Identidade sexual
• Expresión de xénero
• Características sexuais
• Afiliciación ou non a un sindicadto
• Lingua
• condición ou situación de discapacidade

Se consideran nulos y sin efecto ( art. 17 ET):

• Os preceptos regulamentarios, cláusulas dos convenios colectivos, pactos individuais e as decisións do empresario que dean lugar no emprego a situacións de discriminación directa ou indirecta por razón de vínculos de parentesco con persoas relacionadas coa empresa, ou por calquera das razóns indicadas no parágrafo anterior.
• Serán igualmente nulas as ordes de discriminar e as decisións do empresario que supoñan un trato desfavorable dos traballadores como reacción ante unha reclamación efectuada na empresa ou ante unha acción administrativa ou xudicial destinada a esixir o cumprimento do principio de igualdade de trato e non discriminación
• O incumprimento da obriga de tomar medidas de protección fronte á discriminación e a violencia dirixida ás persoas LGTBI ( artigo 62.3 da Lei para a igualdade real e efectiva das persoas trans e para a garantía dos dereitos das persoas LGTBI) dará lugar á asunción de responsabilidade das persoas empregadoras ( artigo 62.2).

Constitúen infraccións moi graves as decisións unilaterais da empresa que

• Impoñan discriminacións (directas ou indirectas) desfavorables por motivos como:
  • Idade
  • Discapacidade
• Afecten de forma favorable ou adversa en materia de retribucións, xornadas, formación, promoción e demais condicións de traballo por:
  • Sexo
  • Orixe (incluído racial ou étnico)
  • Estado civil
  • Condición social
  • Relixión ou conviccións
  • Ideas políticas
  • Orientación ou identidade sexual
  • Expresión de xénero
  • Características sexuais
  • Lingua dentro do Estado español
  • Vinculación ou non a sindicatos ou os seus acordos
  • Vínculos familiares con outros traballadores
• Ou que supoñan un trato desfavorable como represalia fronte a:
• Reclamacións internas na empresa
• Accións administrativas ou xudiciais para facer valer o dereito á igualdade de trato e non discriminación.

Calquera persoa que teña coñecemento dalgún tipo de actitude que implique discriminación nos termos sinalados, pode presentar a correspondente denuncia nas oficinas da Inspección de Traballo e Seguridade Social.

O empresario está obrigado a levar un rexistro cos valores medios dos salarios, os complementos salariais e as percepcións extrasalariales do seu persoal, desagregados por sexo e distribuídos por grupos profesionais, categorías profesionais ou postos de traballo iguais ou de igual valor.

As persoas traballadoras teñen dereito a acceder, a través da representación legal dos traballadores na empresa, ao rexistro salarial da súa empresa.

Cando nunha empresa con polo menos cincuenta traballadores, a media das retribucións aos traballadores dun sexo sexa superior aos do outro nun vinte e cinco por cento ou máis, tomando o conxunto da masa salarial ou a media das percepcións satisfeitas, o empresario deberá incluír no Rexistro salarial unha xustificación de que esta diferenza responde a motivos non relacionados co sexo das persoas traballadoras.

O incumprimento destas obrigas supón unha infracción na orde social, previa investigación e inicio do correspondente procedemento sancionador por parte da Inspección de Traballo e Seguridade Social.