Finalización do contrato, dimisións e despedimentos

A lei fixa condicións e límites, e os regulamentos aplícanos.

Os convenios colectivos poden concretalos.

Estas cuestións regúlanse nos artigos 49 ao 56 do Estatuto dos Traballadores.

Recóllense tamén na guía laboral.

Causas de extinción do contrato:

• Acordo das partes.
• Causas recollidas no contrato, que non constitúan abuso de dereito manifesto por parte do empresario.
• Fin do tempo convido do contrato. Neste caso, e excepto nos contratos formativos e o contrato de duración determinada por causa de substitución, a indemnización será de doce días de salario por cada ano de servizo.

No caso de contratos de duración determinada que teñan establecido prazo máximo de duración, incluídos os contratos formativos, concertados por unha duración inferior á máxima legalmente establecida, entenderanse prorrogados automaticamente ata o este prazo, cando o traballador continúe prestando servizos e non medie denuncia ou prórroga expresa. Se finaliza esta duración máxima e o traballador continúa prestando servizos, aínda que non medie denuncia, o contrato considerarase prorrogado tácitamente por tempo indefinido, salvo proba en contrario.

No caso de contratos de duración superior a un ano, cando unha das partes formule unha denuncia, deberase notificar á outra parte cunha antelación mínima de quince días.

• Dimisión do traballador, co aviso previo que sinalen os convenios colectivos ou o costume do lugar.
• Morte da persoa traballadora.
• Xubilación do traballador.
• Por declaración de gran incapacidade, incapacidade permanente absoluta ou total da persoa traballadora, sen prexuízo do disposto no artigo 48.2 da Lei do Estatuto dos Traballadores, cando non sexa posible realizar os axustes razoables por constituír unha carga excesiva para a empresa, cando non exista un posto de traballo vacante e dispoñible, acorde co perfil profesional e compatible coa nova situación da persoa traballadora ou cando existindo esta posibilidade a persoa traballadora rexeite o cambio de posto de traballo adecuadamente proposto.
• Morte, xubilación, ou incapacidade do empresario. Indemnización dun mes de salario.
• Extinción da personalidade xurídica do contratante. Trámites do artigo 51 do Estatuto dos Traballadores.
• Forza maior que imposibilite definitivamente a prestación de traballo, constatada segundo o artigo 51.7. do Estatuto dos Traballadores.
• Despedimento colectivo fundado en causas económicas, técnicas, organizativas ou de produción. Artigo 51 do Estatuto dos Traballadores.
• Vontade do traballador, por un incumprimento contractual do empresario. Artigo 50 do Estatuto dos Traballadores.
• Despedimento do traballador, por un incumprimento grave e culpable do traballador. Artigos 54-56 do Estatuto dos Traballadores.
• Causas obxectivas legalmente procedentes, que afectan o traballador. Artigos 52-53 do Estatuto da Traballadores
• Decisión da traballadora que se vexa obrigada a abandonar definitivamente o seu posto de traballo como consecuencia de ser vítima de violencia de xénero ou violencia sexual. Artigo 21 Lei Orgánica 1/2004 de Medidas de Protección Integral contra a Violencia de Xénero

Cando se extinga o contrato, a empresa, ao comunicar aos traballadores a denuncia, ou, no seu caso, o aviso previo da extinción do mesmo, deberá acompañar unha proposta do documento de liquidación das cantidades debidas.

O traballador poderá solicitar a presenza dun representante legal dos traballadores no momento de proceder ao sinatura do recibo da liquidación.