Lan egutegiak

Hauek dira lan-egutegian jasotako jaien ezaugarriak:

• Urtero finkatzen dira.
• Ordainduak dira eta ezin dira berreskuratu.
• Ezingo dira hamalau baino gehiago izan urtean, eta horietatik bi bertakoak izango dira. Nolanahi ere, Estatu osoko jaiegun izango dira Eguberri eguna, Urte Berria, Maiatzaren 1a (Lanaren Eguna) eta Urriaren 12a (Espainiako Jai Nazionala).
• Aurreko lerrokadan adierazitako jaiak errespetatuz, Gobernuak astelehenetara alda ditzake Estatu osoko jaiegunak, aste barruan egiten badira; igandez diren jaiegunen atsedenaldia hurrengo astelehenera aldatuko da.
• Autonomia-erkidegoek tradizioz bereak dituzten jaiak izendatu ahal izango dituzte, urteko hamalau jaiegunen mugaren barruan; Estatu osokoak izan eta erregelamendu bidez zehaztutako jaien ordez izendatu ahal izango dituzte, baita astelehenetara aldatutakoen ordez ere, halakorik badago. Era berean, aurreko paragrafoan aurreikusitako lekualdaketak astelehenetara egin ahal izango dituzte.
• Autonomia-erkidegoren batek tradizioz berea duen jairen bat ezarri ezin badu, estatu osoan jaiegun nahikorik ospatzen ez delako, jai bat gehiago jarri ahal izango du urte horretan, eta errekuperagarria izango da, hamalau jaiegun, gehienez.