Kanporatzea eta aberriratzea

Ezin izango da kanporatzeko edo aberriratzeko erabakirik hartu. Europar Batasuneko estatu kide bateko edo Europako Esparru Ekonomikorako Akordioan zehaztutako beste estatu kide bateko herritarrei dagokienez, segurtasun publikorako premiazko arrazoiak daudenean izan ezik, honako kasu hauetan:

1. Aurreko hamar urteetan Espainian bizi izan bada.
2. Adingabea bada, aberriratzea adingabearen interes gorenaren araberakoa denean izan ezik, eta aberriratze horrek ez du, inola ere, zehapen-izaerarik.

Ordena publikoaren, segurtasun publikoaren edo osasun publikoaren arrazoiek hala eskatzen dutenean, honako neurri hauetako bat ezarri ahal izango da EBko estatu kide bateko herritar baten gainean, edo Europako Esparru Ekonomikorako Akordioan zehaztutako beste estatu kide bateko herritar baten gainean, edo haren familiako kideen gainean:

1. Espainian sartzea galaraztea, nahiz eta interesatuek horretarako eskatzen den dokumentazioa aurkeztu.

2. Atzerritarren Erregistro Zentralean inskribatzea edo egoitza-txartelak ematea edo berritzea ukatzea.

3. Espainiako lurraldetik kanporatzea edo itzultzea agintzea. Kanporatzeko agindu hori Gobernuaren ordezkariordeak edo Gobernuak probintzia bakarreko autonomia-erkidegoetan duen ordezkariak ematen du, Polizia Nazionalak espedientea izapidetu ondoren.

Kanporatzeko erabakia hartu aurretik, honako hauek hartuko dira kontuan: interesdunak Espainian duen bizilekuaren eta integrazio sozial eta kulturalaren iraupena, adina, osasun-egoera, familia-egoera eta egoera ekonomikoa, eta jatorrizko herrialdearekin dituen loturen garrantzia.

Aurreko paragrafoan aurreikusitako neurrietako bat hartzeko, honako irizpide hauek hartuko dira kontuan:

1. Ordena publikoa eta segurtasun publikoa arautzen duten legeen arabera eta gai horretan indarrean dauden erregelamenduzko xedapenen arabera onartu beharko da.
2. Ofizioz edo alderdi batek eskatuta errebokatu ahal izango da, hura hartzea eragin zuten arrazoiek irauten ez dutenean.
3. Ezin izango da helburu ekonomikoekin hartu.
4. Ordena publikoarekin edo segurtasun publikoarekin lotutako arrazoiengatik hartzen denean, arrazoi horiek soil-soilik oinarrituta egon beharko dute arrazoi horien xede denaren jokabide pertsonalean. Nolanahi ere, mehatxu hori benetakoa, egungoa eta behar bezain larria izan beharko da, eta gizartearen funtsezko interes bati eragin beharko dio. Ebazteko eskumena duen organoak baloratuko du, espedientean dauden agintari polizial, fiskal edo judizialen txostenak oinarri hartuta. Aurretik zigor penalik ezarri izana ez da, berez, neurri horiek hartzeko arrazoi izango.

Sarrera-debekua zehazten duen ebazpenean aurreikusitako epe bat igarotakoan, eta, nolanahi ere, sarrera-debekuaren erabakia betearazten denetik hiru urte igarotakoan, interesdunak sarrera-debekua kentzeko eskatu ahal izango dio gobernu-agintaritzari, sarrera-debekua eragin zuten inguruabarrak materialki aldatzen direla egiaztatzen duten arrazoiak alegatuta. Eskaera hori hiru hilabeteko epean ebatzi beharko da.

Kanporatzea agindu eta bi urte baino gehiagora gauzatuko balitz, agintaritza eskudunak (Gobernuaren ordezkariordetzak edo ordezkaritzak) erabaki hori eragin zuten inguruabarrak aldatuko direla egiaztatuko du, bai eta interesdunak ordena publikoarentzat edo segurtasun publikoarentzat dakarren mehatxua ere.

Kanporatze-ebazpenek hilabeteko epea ezarriko dute, gutxienez, Espainiako lurraldetik irteteko, justifikatutako presako kasuetan izan ezik; epe hori honako inguruabar hauetakoren bat gertatzen denean baino ezingo da salbuetsi:

1. Kanporatze-ebazpena aurreko erabaki judizial batean oinarritzea.

2. Eragindako pertsonek berrikuspen judizialaren aurretik sarbidea izatea.

3. Kanporatzeko ebazpena segurtasun publikoko premiazko arrazoietan oinarritzea, 2. zenbakiko a) eta d) letretan adierazitakoaren arabera.

Kanporatze-ebazpenek amaiera eman diote administrazio-bideariHala ere, nahi izanez gero, berraztertzeko errekurtsoa aurkez dakioke ebazpena eman zuen organoari.

Kanporatzeko ebazpena interesdunari jakinarazi beharko zaio.. Arrazoitua izan beharko du, eta adierazi beharko da zein errekurtso jar daitezkeen bere aurka, zein organotan, eta zein epetan.

Kanporatzeak Espainiako lurraldera sartzeko debekua ekarriko du. Debekuaren iraupena kasu bakoitzeko inguruabarrak kontuan hartuta zehaztuko da, eta debekuaren indarraldia ez da bost urtetik gorakoa izango.

Salbuespen gisa, atzerritarra ordena publikoarentzat, segurtasun publikoarentzat, segurtasun nazionalarentzat edo osasun publikoarentzat mehatxu larria denean, sarrera debekatzeko hamar urte arteko aldia ezarri ahalko da, aurrez Atzerritarren eta Mugen Komisaria Nagusiak txostena emanda.

• Informazio gehiago: Barne Ministerioaren webgunea.