Informazioaz arduratzen den agintaritza
Hezkuntza, Lanbide Heziketa eta Kirol Ministerioa
Hezkuntza, Lanbide Heziketa eta Kiroletako Idazkariordetza
Azken eguneratzea: 2026-07-01
Goi-mailako irakaskuntza
Edukien aurkibidea
Antolaketa
Goi-mailako hezkuntza da Bigarren Hezkuntzaren ondorengo hurrengo eta azken urratsa.
Tradizionalki, irakaskuntza hori unibertsitate ikasketa ezberdinetan eta Goi Mailako Lanbide Heziketan eman izan da.
Unibertsitateko ikasketak
Graduko ikasketak
Haien helburua da ikasleek prestakuntza orokor bat jasotzea, diziplina batean edo batzuetan, jarduera profesionaletan aritzeko.
Graduko ikasketak gainditzeak eskubidea emango du graduatu titulua eskuratzeko, kasu bakoitzean agertzen den izen espezifikoarekin Unibertsitate, Zentro eta Tituluen Erregistroa (RUCT).
Master ikasketak
Haien helburua da ikasleek prestakuntza aurreratua, espezializatua edo diziplina anitzekoa, eskuratzea, espezializazio akademikora edo profesionalera bideratuta, edo ikerketa-lanetan hastea sustatzea.
Masterreko ikasketak gainditzeak eskubidea emango du Unibertsitate Masterraren titulua eskuratzeko, RUCTn agertzen den izen espezifikoarekin.
Doktoretzako ikasketak
Doktoretza unibertsitate-ikasketa ofizialen hirugarren zikloa da, eta haren helburua da kalitatezko ikerketa zientifikoarekin lotutako gaitasunak eta trebetasunak eskuratzea.
Doktoretza-ikasketak gaindituz gero, doktore-titulua eskuratzeko eskubidea izango da, RUCTn agertzen den izenarekin.
Unibertsitate-tituluen eragina
Unibertsitate-titulu horiek ofizialak izango dira, eta lurralde nazional osoan izango dute balioa.
Ondorio akademiko osoak izango dituzte, eta, hala badagokio, jarduera profesional arautuak egiteko gaituko dute, kasu bakoitzean aplikatzekoa den araudiaren arabera.
Tituluak Espainian araututako jarduera profesionaletan aritzeko gaitzen badu (adibidez, Ingeniaritzaren eta Arkitekturaren adarrean, Osasun Zientzien adarrean eta, Gizarte eta Lege Zientzien adarrean, irakaskuntza-eremuko jarduera profesionalak), dagozkion ikasketa-planak zer baldintzatara egokitu beharko diren ezarriko du Gobernuak; ikasketa-plan horiek, gainera, aplikatu beharreko Europako araudira egokitu beharko dira, hala badagokio.
Unibertsitateko ikasketen antolaketari buruzko informazio gehiago nahi izanez gero, kontsultatu hemen: Zientzia, Berrikuntza eta Unibertsitate Ministerioa.
Goi Mailako Lanbide Heziketa
Goi-mailako heziketa-zikloak —3/2022 Lege Organikoaren antolamendu berrian D Maila deituak— goi-mailakoa ez den bigarren hezkuntzaren ondokoak dira. Gaitasun Profesionalen Estandarren Katalogo Nazionaleko 3. mailako gaitasun-estandarrei lotuta daude, eta bi ikasturteko iraupena dute.
Goi-mailako heziketa-zikloetan sartzeko, baldintza hauetako bat bete behar da:
- Batxilergoko titulua edo baliokidea izatea.
- Sarbide-proba bat gainditu eta gutxienez hemeretzi urte izatea, edo hemezortzi, dagokion adarreko teknikari-titulua izanez gero.
- Heziketa-zikloaren profilari lotutako 3. mailako Ziurtagiri Profesionala izatea.
Goi-mailako heziketa-ziklo bat gaindituz gero, dagokion lanbide-profileko goi-mailako teknikari-titulua lortuko da. Titulu honek graduko unibertsitate-ikasketetara sartzeko aukera ematen du, unibertsitateek ezartzen dituzten prozeduren arabera, bai eta Lanbide Heziketako Espezializazio Ikastaroetara ere.
Goi-mailako heziketa-zikloen antolakuntzari buruzko informazio gehiago nahi izanez gero, kontsultatu web atarian dagoen informazioa. Guztiak LH.
Esteka interesgarriak
Autonomia-erkidegoen araberako informazioa
Erreferentzia legalak eta/edo teknikoak
