Ondasun higiezinen salerosketa. Zergak

• Sustatzaileak higiezin berrien salmentagatik (lehen entregak) Balio Erantsiaren gaineko Zerga (BEZa) ordaintzen du.

• Enpresaburuek erabilitako higiezinen salmentak (eraikinen bigarren eta ondorengo entregak) Ondare Eskualdaketen gaineko Zergagatik (Kostu bidezko Eskualdaketen Kontzeptua) ordaintzen ditu zergak. Eroslea beste enpresaburu bat bada, BEZa ordainduko du baldintza jakin batzuk betetzen direnean.

• Partikularrek higiezinak saltzeagatik Ondare Eskualdaketen gaineko Zerga (Kostu bidezko Eskualdaketen Kontzeptua) ordaintzen da.

Etxebizitza berri bat erosteak erosleari Balio Erantsiaren gaineko Zerga jasan beharra dakarkio. Erosleak jasaten duen BEZa kalkulatzeko, erosketaren prezioa biderkatzen da erosketaren unean indarrean dagoen zerga-tasarekin. Saltzaileari egiten zaio ordainketa, eta hark Ogasun Publikoan sartuko du zerga.

Etxebizitzen "lehen entrega" eraikuntza edo birgaitzea bukatuta dagoenean sustatzaileari erosten zaizkionak da, salbu eta eskuratzaileak ez diren pertsonek aurretiaz etxebizitzak bi urte edo gehiagoz jarraian erabili dituztenean.

Informazio gehiago nahi izanez gero, jo helbide honetara: higiezinen kalifikatzailea.

Gaur egun ezarritako zerga-tasak honako hauek dira:

• %10 etxebizitzen salmentan
• %4, erregimen bereziko edo sustapen publikoko babes ofizialeko etxebizitzak direnean.
• %21 bestelako higiezinen salmentan

Araubide erkideko autonomia-erkidegoen eta autonomia-estatutua duten hirien finantzaketa-sistema arautzen duen eta zenbait tributu-arau aldatzen dituen abenduaren 18ko 22/2009 Legean xedatutakoaren arabera autonomia-erkidegoei lagatako zerga da ITPAJD. Lege horren 33. artikuluan ezartzen denez, higiezinak dauden autonomia-erkidegoari dagokio zergaren kudeaketa. Zerga-tasak desberdinak dira autonomia-erkidego bakoitzean.

Ceutako eta Melillako hiri autonomoek ez dute beren gain hartu zergaren eskumena lagapen-esparruan; beraz, Estatuari dagokio eskumena, eta Ceutako eta Melillako ordezkaritzek hartzen dute beren gain, hurrenez hurren.

Zergaren autolikidazioa helbide honetan egiten da: 600 eredua.

Udal batzuek zerga bat ezarri diote saltzaileari, hiriko ondasun higiezinen (eraikin eta lur eraikigarrien) salmentaren balioa handitzeagatik.

Sartu hona: Toki-erakundeen mapa interesatzen zaizun udalerria aukeratzeko.