Egun baliogabeen egutegiak

• 2025eko egutegia
• 2025eko egutegiaren ebazpena
• 2024ko egutegia
• 2024ko egutegiaren ebazpena
• 2023ko egutegia
• 2023ko egutegiaren ebazpena
• 2022ko egutegia
• 2022ko egutegiaren ebazpena
• 2021eko egutegia
• 2021eko egutegiaren ebazpena

Administrazio bakoitzak finkatzen du egun baliogabeen egutegia (epeak zenbatzeko kontuan hartu beharrekoa). urtero eta herritar guztiek urtea hasi baino lehen jakin dezaten argitaratu behar da.

Dagokion aldizkari ofizialean argitaratzen da, baita haren berri izatea bermatzen duten beste hedabide batzuetan ere.

Egun baliogabeen egutegia lan-egutegi ofizialari lotuta egiten da, eta egun baliogabeak dagokien eremuan (estatuko, autonomia-erkidegoko eta tokiko administrazioan) finkatzen dira (art. 39/2015 Legearen 30.7 artikulua, urriaren 1ekoa, Administrazio Publikoen Administrazio Prozedura Erkideari buruzkoa).

Lan egutegia Laneko, Migrazioetako eta Gizarte Segurantzako Ministerioak argitaratzen du, 2001/1983 Errege Dekretua, lanaldia, lanaldi bereziak eta atsedenaldiak arautzeari buruzkoa.

Beraz, oro har, egun baliogabeak izango dira:

• Larunbatero eta igandero
• Nazio osoan ezarritako zenbait jai erlijioso, hala nola: abuztuaren 15a; azaroaren 1a; abenduaren 8a; urtarrilaren 6a
• Langileen Estatutuan onartutako nazio eremuko jaiak: urtarrilaren 1a; maiatzaren 1a; urriaren 12a; abenduaren 25a
• Gizalegezko jaiak: Abenduak 6
• Autonomia erkidegoetako eta toki erakundeetako gizarte eta erlijio izaerako jaiak

Estatuko Administrazio Orokorraren eremuko egun baliogabeen egutegia Transformazio Digitalerako eta Funtzio Publikoko Ministerioak argitaratzen du, Funtzio Publikoaren Estatu Idazkaritzaren bidez, Estatuko Aldizkari Ofizialean (BOE), urtea hasi aurretik, bai eta haren ezagutza orokorra bermatzen duten beste hedabide batzuetan ere.

Administrazio-jarduketak eta herritarrek Administrazioaren aurrean dituzten eskubideen erabilera horietarako ezarritako epe eta mugetan egin behar dira. Arau horrek berdin behartzen ditu administrazio-gaiak izapidetzeko eskumena duten herri-administrazioetako agintari eta langileak eta gai horietako interesdunak.

“Terminoa” arauak jarduketa bat egitea eskatzen duen denborako une jakin bati dagokio; adibidez, bulego publiko batean ordu jakin batean agertzea.

“Epea” jarduketa bat egiteko arauan ezarritako denbora-tartea da, luzeagoa edo laburragoa; adibidez, errekerimendu batean emandako hamar eguneko zuzentze-epea.

"Epez kanpo" egindako jarduketek eragina izan dezakete bai egintzetan –epez kanpo aurkeztutako errekurtso bat izapidetzeko ez onartzeko ebazpenaren xede izango da–, bai gaiak bideratzeko ardura duen Administrazioaren zerbitzuko langileengan. Legezko betebeharra du ebazpen espresua epe barruan emateko, eta betebehar hori ez betetzeak diziplina-erantzukizuna galdatzea ekar dezake, araudi aplikagarriaren arabera dagokion erantzukizunaren kaltetan izan gabe.

Administrazio-izapideetan epeak zenbatzea nahiko konplexua da, hainbat elementu hartu behar baitira kontuan:

• epea zenbat denboraz ematen den (orduak, egunak, hilabeteak edo urteak)
• epea zenbatzen hasten den eguna (hasierako eguna -dies a quo-)
• epea amaitzen den eguna (azken eguna -díes ad quem-)
  

NPBren 30. eta 31. artikuluak. (39/2015 Legea, urriaren 1ekoa) epeen zenbaketari aplikatu beharreko araubide juridikoa ezartzen dute.

Prozedura administratiboak ordu, egun, hilabete edo urtetan adierazita egotearen arabera tramitatzeko sistema hau da:

• Epeak ordutan adierazten badira: legez edo Europar Batasuneko zuzenbidean beste zenbaketarik xedatu ezean, ordu horiek baliodunak direla ulertzen da. Baliodunak dira egun baliodun bateko ordu guztiak. Ordutan adierazitako epeak orduz ordu eta minutuz minutu zenbatuko dira dena delako egintza jakinarazten edo argitaratzen den ordu eta minututik aurrera, eta ezin izango dira izan hogeita lau ordu baino gehiagokoak, hala izanez gero egunetan adieraziko baitira.
• Epeak egunetan jartzen badira: Legez edo Europar Batasuneko Zuzenbidean beste zenbaketarik adierazten ez bada, egun baliodunak direla ulertuko da, eta ez dira zenbatuko larunbatak, igandeak eta jaiegun izendatutakoak. Epeak jartzerakoan egun guztiak hartzen badira kontuan, horren berri eman behar da jakinarazpenetan. Egunetan adierazitako epeak zenbatzeko lehen eguna egintza jakinarazten edo argitaratzen den egunaren biharamuna izango da, edo administrazio-isiltasunez baiesten edo ezesten den egunaren biharamuna.
• Epea hilabetetan edo urtetan jartzen bada: egintza jakinarazten edo argitaratzen den egunaren biharamunetik aurrera zenbatuko da, edo administrazio-isiltasunez baiesten edo ezesten den egunaren biharamunetik. Epearen amaierako hilean edo urtean, jakinarazpena, argitalpena edo administrazio-isiltasuna gertatu den egun berean amaituko da epea. Muga-eguneko hilean hasierako egunaren baliokiderik ez badago, hilaren azken egunean bukatuko da epea.

Epearen azken eguna egun baliogabea bada, hurrengo egun baliodunera luzatuko da epea.

Gainera, interesduna bizi den udalerrian edo autonomia-erkidegoan egun balioduna bada, eta administrazio-organoaren egoitzan, berriz, egun baliogabea, edo alderantziz, egun baliogabetzat hartuko da beti.

Epe-kontuetarako egun bat baliodun edo baliogabetzat jotzeak ez du zertan eraginik izan ez administrazio publikoetako lantokietako jardueran, ez lan-orduen antolaketan, ez haietako lanaldi- eta ordutegi-araubidean.

Lege horren 31. artikuluak, berriz, erregistroetan epeak zenbatzeko aplikatu beharreko araubidea ezartzen du.

Administrazio publiko bakoitzak argitaratuko du zer egun eta ordutegitan egon behar duten irekita dokumentuen aurkezpen elektronikorako laguntza emango duten bulegoek, eta bermatuko du interesdunek bitarteko elektronikoen erabileran laguntza jasotzeko duten eskubidea.

Administrazio edo organismo bakoitzaren erregistro elektronikoak, epeak zenbatzeari dagokionez, irispide-egoitza elektronikoaren data eta ordu ofiziala izango du; behar diren segurtasun-neurriak izan beharko ditu haren osotasuna bermatzeko, eta modu irisgarrian eta ikusteko moduan agertu beharko da.

Erregistro elektronikoak erregela hauen arabera funtzionatuko du:

a) Aukera emango du dokumentuak aurkezteko urteko egun guztietan, hogeita lau orduz.
b) Egun baliodunetan jarritako epeen zenbaketarako, eta interesdunek epeak betetzeari dagokionez, egun baliogabean aurkeztutakoa hurrengo egun balioduneko lehen orduan aurkeztutzat joko da, non eta arauren batek ez duen espresuki onartzen egun baliogabean jasotzea.
Egun baliogabean aurkeztu ziren ordu-hurrenkera berean aurkeztutzat joko dira dokumentuak. Egun baliogabean aurkeztutako dokumentuak, hurrenkera berean, hurrengo egun baliodunean aurkeztutakoak baino lehenagokotzat joko dira.
c) Administrazio publikoek bete beharreko epeak zenbatzen hasteko, administrazio edo organismo bakoitzaren erregistro elektronikoan aurkeztutako data eta ordua hartuko dira kontuan. Nolanahi ere, dokumentua aurkeztu duenari komunikatu egin behar zaio zer egun eta ordutan hasten den epea zenbatzen.

Administrazio publiko edo organismo bakoitzaren erregistroko egoitza elektronikoak erabakiko du, kontuan hartuta haren titularrak eskumenak baliatzen dituen lurralde-eremua eta 30.7 artikuluan aurreikusitako egutegia, zer egun joko diren baliogabetzat artikulu honetan aurreikusitako ondorioetarako. Hori izango da erregistro elektronikoetan epeak zenbatzeko aplikatuko den egun baliogabeen egutegi bakarra, eta ez da erregistrootan aplikatzekoa izango 30.6 artikuluan xedatutakoa.