Europar Batasunak bere herritarren eta estatuen bakea, egonkortasuna eta oparotasuna bermatzen ditu. Mundu globalizatuan, gure interesak defendatzen ditu. Elkarrekin askoz urrunago irits gaitezke.
Bruselan, gure gobernuek eta Europako Parlamentuko ordezkariek era askotako erabakiak hartzen dituzte: ekonomia, gizarte-gaiak, ingurumena, segurtasuna. Erabaki horiek 500 milioi pertsonaren eta 27 herrialderen eguneroko bizitzari eragiten diote. Europar Batasuna denoi interesatzen zaigu.
Espainia Europar Batasuneko kide da, gainerako herrialde kideak bezala, eta eskumen ekonomiko eta politikoak transferitu dizkio Europar Batasunari. Gure Konstituzioak espresuki aurreikusten zuen aukera hori. Gaur egun, Europako seihilekoko politika ekonomikoen koordinazioa eta Europako Banku Zentralaren zeregina nabarmentzen dira.
Hauek dira Europar Batasuneko erakunde nagusiak:
- Kontseilu Europarra: EBko lehendakaria izango da buru, eta estatu kideetako estatuburuek edo gobernuburuek osatuko dute. Jarraibide nagusiak ezartzen ditu.
- Batzordeak EBren interesak ordezkatzen ditu
- Europar Batasuneko Kontseiluak estatu kideetako gobernuen interesak ordezkatzen ditu. Ministroak biltzen ditu normalean.
- Europako Parlamentua: Europako herritarren interesak ordezkatzen ditu.
- Europar Batasuneko Justizia Auzitegia: zuzenbide komunitarioaren aplikazioa bermatzen du, eztabaida zehatzak eta arazo prejudizialak ebatziz.
- Europako Banku Zentrala: kanbio- eta diru-politikaren eta finantza-sistemaren gainbegiratzearen arduraduna. Independentziaz jokatzen du.
- Beste erakunde batzuk: Herriaren Defendatzailea, Europako Kontuen Auzitegia, Ekonomia eta Gizarte Kontseilua. Eskualdeetako Lantaldea, Datuak Babesteko Europako Ikuskatzailea.
Europar Batasuneko Kanpo Zerbitzua ere aipagarria da.