Lehen hezkuntza

Lehen Hezkuntza derrigorrezkoa eta doakoa da. Sei ikasturte ditu, eta, normalean, sei eta hamabi urte bitartean jarraituko dute. Oro har, ikasleak sei urte betetzen dituzten urte naturalean sartuko dira Lehen Hezkuntzako lehen mailan.

Lehen Hezkuntzaren helburua da ikasleei erraztasunak ematea ahozko adierazpena eta ulermena, irakurketa, idazketa, kalkulua, kulturaren oinarrizko nozioak eta bizikidetza-ohitura eta ikasteko eta lan egiteko ohitura, zentzu artistikoa, sormena eta afektibitatea ikas ditzaten, ikasleen nortasuna erabat garatzen lagunduko duen prestakuntza integrala bermatzeko eta Derrigorrezko Bigarren Hezkuntza probetxuz egiteko prestatzeko.

Hezkuntza-etapa horretan, hezkuntza-ekintzak ahalegina egingo du ikasleen bizipenak eta ikasketak integratzeko, ikuspegi orokor batekin, eta ikasleen lan-erritmora egokituko da.

Lehen Hezkuntza izaera orokor eta integratzaileko arloetan antolatzen da, eta maila honetako arlo guztietan eskumena duten irakasleek ematen dute. Musikaren, gorputz-hezkuntzaren eta atzerriko hizkuntzen irakaskuntza maisu-maistrek ematen dute, dagokien espezializazio edo kualifikazioarekin.

Lehen Hezkuntzaren antolaketari buruzko informazio gehiago nahi izanez gero, kontsultatu hemen: Hezkuntza, Lanbide Heziketa eta Kirol Ministerioa.