Pechar unha empresa

Cando o ciclo de vida dunha empresa chega ao seu fin, pódese optar:

• Cesamento: entendido como a suspensión temporal das actividades empresariais. No cesamento, o empresario decide suspender a actividade temporalmente sen que isto signifique que a sociedade deixe de existir,
• Extinción: supón a finalización de todo tipo de actividade e a disolución da sociedade. Coa extinción, a entidade xurídica desaparece.

Enténdese por empresario individual ou autónomo a persoa física que realiza de forma habitual, persoal, directa, por conta propia e fóra do ámbito de dirección e organización doutra persoa, unha actividade económica ou profesional a título lucrativo, dispoña ou non de traballadores por conta allea.

Como para o empresario individual ou autónomo como para o Emprendedor de Responsabilidade Limitada, variante que limita a asunción de riscos, o cesamento e extinción son equivalentes, é dicir, ao cesar a empresa finaliza de forma definitiva o desenvolvemento de todo tipo de actividade.

Aínda que se produza o cesamento de actividade de sociedades mercantís, comunidades de bens e sociedades civís, a sociedade queda inactiva, pero mantén a personalidade xurídica e deberá seguir cumprindo cunha serie de obrigas, que son as seguintes:

• Non se poden emitir facturas pola entrega de bens ou prestación de servizos propios da actividade empresarial.

• Débese seguir elaborando a contabilidade segundo o Código de Comercio e Plan Xeral Contable.

• A empresa ten que seguir legalizando os libros e depositando as contas anuais no Rexistro mercantil.

• Mantense a obriga de presentar o Imposto de Sociedades.

• É obrigatorio presentar as declaracións periódicas polas obrigas de retención que siga tendo a empresa.

• É obrigatorio presentar a declaración do IVE daquelas facturas que teñan relación co período do exercicio no que a empresa estaba aínda activa (por exemplo, haberá que presentar resumos anuais ou o último trimestre do exercicio para solicitar a devolución do IVE soportado).

• Débense presentar as declaracións informativas anuais ás que estea obrigada a empresa e seguir accedendo ao Enderezo electrónico Habilitado (entidades obrigadas: sociedades anónimas, sociedades limitadas e grandes empresas) onde recibirá as notificacións pendentes.

Trámites para o cesamento de actividade

O cesamento de actividade comporta o cumprimento de varios trámites, dependendo se se trata dunha Sociedade ou un Autónomo.

Tramites do cesamento de actividade de Sociedades

• Extinción dos contratos de traballo
• Baixa dos traballadores contratados
• Baixa da conta de cotización
• Comunicación del cierre del Centro de trabajo
• Baixa do Censo de Empresarios e Profesionais
• Baixa no Imposto de Actividades Económicas
• Comunicación de cesamento/extinción noutros organismos oficiais e/ou rexistros

Tramites do cesamento de actividade de Autónomos

• Extinción dos contratos de traballo
• Baixa dos traballadores contratados
• Baixa da conta de cotización
• Comunicación do peche do Centro de traballo
• Baixa do Censo de Empresarios e Profesionais
• Baixa do Réxime Especial de Autónomos
• Comunicación de cese/extinción en otros organismos oficiales y/o registros

Tramitación do cesamento de actividade a través de Internet (sistema CIRCE)

O sistema informático CIRCE permite tramitar a través do Documento único electrónico (DUE) o cesamento de determinadas sociedades mercantís en España, cando se trate de Autónomos, Sociedades de responsabilidade limitada (SRL), Sociedades limitadas de Formación Sucesiva (SLFS), e Sociedades limitadas Nova Empresa (SLNE), unificando todos os trámites solicitados por organismos e administracións que interveñen no proceso de cesamento de actividade de empresas.

Acceso ao sistema CIRCE

A extinción dunha sociedade é o proceso mediante o cal o empresario realiza os trámites necesarios para proceder ao peche da empresa.

O proceso de extinción está composto de determinados actos previstos na lexislación e que resultan de obrigado cumprimento. Este conxunto de actos discorre, de forma xeral, a través dos seguintes pasos:

1. Disolución da sociedade.
   A disolución, xeralmente por acordo da Xunta Xeral, resulta necesaria para poder iniciar o proceso de liquidación da sociedade. Non supón a desaparición xurídica da sociedade, pero paraliza a actividade ordinaria da empresa e dá paso ao período de liquidación.
   As causas polas cales se produce a disolución son aquelas que se atopan establecidas nos estatutos sociais e na lexislación vixente.

2. Liquidación
   A disolución da empresa abre o período de liquidación. A liquidación é un proceso que ten como finalidade a repartición entre os socios do patrimonio resultante despois de cobrar os créditos pendentes e satisfacer as débedas sociais.
   Durante esta etapa a sociedade mantén a súa personalidade xurídica pero a súa actividade ordinaria segue paralizada.

3. Extinción
   Concluído o proceso de liquidación (ou realizada a liquidación), é obriga inscribir a extinción da sociedade no Rexistro mercantil, mediante outorgamento de escritura pública.

Trámites para a extinción dunha sociedade

Do mesmo xeito que para o cesamento da actividade, a extinción da empresa supón a realización dunha serie de trámites administrativos, ademais da inscrición no Rexistro da extinción.

• Acordo de disolución da sociedade
• Nomeamento da Liquidadores
• Escritura pública de disolución e nomeamento de liquidadores
• Liquidación do Imposto de Transmisións Patrimoniais e Actos Xurídicos Documentados
• Inscrición do acordo de disolución e nomeamento do liquidadores
• Proceso de liquidación, repartición do haber social e escritura pública de extinción
• Liquidación do Imposto de Transmisións Patrimoniais e Actos Xurídicos Documentados (ITP e AJD)
• Solicitude de inscrición da extinción da sociedade e cancelación de asentos rexistrais