Ebazpen hori administrazio-organo eskudunak ematen du, interesdunak eskaturik hasitako prozeduretan. Interesdunari egotz dakizkiokeen arrazoiak direla medio, prozedura legez ezarritakoa baino denbora luzeagoan geratu da geldirik. Halakoetan, espedientea artxibatu egiten da, eta interesdunari jakinarazten zaio.
Ofizioz hasitako prozedurak iraungitzeari buruzko ebazpena, ondorio kaltegarriak edo kargak sor ditzaketenak
Ebazpen hori administrazioaren kabuz hasi diren eta ebazteko eta jakinarazteko gehieneko epean ebazpen espresurik eman ez duten prozeduretan hartzen du administrazio-organo eskudunak. Ebazpen hori ofizioz hasitako prozeduretan baino ez da emango, betiere prozedurok kontrako ondorioak edo kargak eragin baditzakete.
Ebazpen mota
Ebazpena administrazio-dokumentu bat da, organo eskudunaren erabakiak jasotzen dituena eta prozedura bati amaiera ematen diona, prozeduran planteatutako gai guztiak ebatziz.
Ez onartzeko ebazpena
Organo eskudunak eskubideak aitortzeko eskaera bat ez onartzeari buruz hartzen dituen erabakiak jasotzen dituen dokumentua da; eskubide horiek ez daude ordenamendu juridikoan aurreikusita edo argi eta garbi ez dute oinarririk.
Administrazio-isiltasunez egindako egintzaren ziurtagiria
Administrazioak interesdunaren eskariz ematen duen dokumentua da, baldin eta interesdunak ez badu ebazpen espresurik eman prozedura batean legez ezarritako epean. Administrazio-isiltasunez egindako egintzaren ziurtagiriak berariazko ebazpena eman izan balitz bezalako balioa izango du.
Egintza baten betearazpena eteteko erabakia
Erabaki hori administrazio-organo eskudunak hartzen du, ofizioz edo interesdunak eskatuta, ebazpena betearazteak konpondu ezin diren edo konpontzen zailak diren kalteak eragin ditzakeen prozeduretan. Horretarako, behar diren kautelazko neurriak har daitezke interes publikoa babestea eta ebazpenaren eraginkortasuna bermatzeko.
